နည်းပညာအသစ်များအကြောင်း

ဟိုတစ်နေ့က ပီစီမဂ္ဂဇင်းထဲမှာ တွေ့လိုက်တယ်။ Mac OS ကို PC မှာ သုံးလို့ရနေပြီတဲ့။ အဲဒါနဲ့ ကျွန်တော်လည်း ခွေဆိုင်မှာ သွားရှာလိုက်တယ်။ ဟုတ်ပါ့ဗျာ။ Mac Leopard OS for PC version တဲ့။ စမ်းတော့ တင်မကြည့်ရသေးဘူး။ ခွေကာဗာပေါ်မှာ ရေးထားတာက Core2 Duo Recommended လို့ ရေးထားတော့ ကျွန်တော့်ရဲ့ Pentium D စက်ကလေးနဲ့ ဖြစ်ပါ့မလားလို့ စိုးရိမ်စိတ်ဝင်နေတယ်ဗျာ။ Mac က ဗိုင်းရပ်စ်ရန်က စိတ်ချရနီးပါး ရှိတော့ သုံးရတာ အဆင်ပြေတာပေါ့။ ဒါပေမဲ့ Software ကန့်သတ်ချက်တွေ ရှိနေတာ တစ်ခုပါပဲ။

အခု ဈေးကွက်ထဲမှာ Load Balancer တွေရောက်လာတာကို ဂျာနယ်တွေထဲကနေတစ်ဆင့် သိလိုက်ပါတယ်။ အင်တာနက်လိုင်း နှစ်လိုင်းကို ပေါင်းသုံးချင်ရင် ပြေးဝယ်လိုက်ပေါ့ဗျာ။ Server 2003 မှာ Load Balancing ပါပါတယ်။ ဒါပေမဲ့ Hardware နဲ့က ပိုကောင်းမယ်လို့ ကျွန်တော်ထင်မိတယ်။ ဟိုးအရင်တုန်းက Dual WAN Router ဆိုပြီး ဒီကို ရောက်လာခဲ့ဖူးပါတယ်။ ဒါပေမဲ့ အဲဒီတုန်းက အင်တာနက်ဆိုင်တွေ ခုလောက် မပေါသေးတော့ မပေါက်ခဲ့ဘူးပေါ့ဗျာ။

ဆရာဇော်လင်းက အခု Website တစ်ခုလုပ်ပြီး သူ့ဆောင်းပါးတွေ ရေးတင်ထားမယ်။ ဒီအတိုင်းတော့ မရဘူး။ ၀င်ကြေးပေးရမယ်ဆိုတဲ့ ပုံစံမျိုးနဲ့ အခုတစ်လော ကြော်ငြာလာတာကို တွေ့ရပါတယ်။ အဲဒီလို Prepaid Card တွေ ရောင်းပြီး ၀င်ကြည့်ရတဲ့ပုံစံက ကျွန်တော့်အမြင်တော့ အကောင်းလည်းရှိတယ်၊ အဆိုးလည်းရှိတယ်လို့ ထင်ပါတယ်။
အကောင်းက နည်းပညာဟာ အလကားမရဘူးဆိုတဲ့ အမြင်ကို လူတွေအသိထဲ ရောက်သွားအောင် ထည့်ပေးနိုင်လို့ပါ။ ကွန်ပျူတာမှာ နှံ့စပ်ကျွမ်းကျင်ဖို့အတွက် ကျွန်တော်တို့တွေ အချိန်တွေ၊ ငွေတွေအများကြီး ရင်းခဲ့ရတယ်။ ဆုံးရှုံးမှုတွေလည်း ရှိခဲ့တယ်။ ဒါတွေကို အလကားချည်းသက်သက် ဖြန့်ဝေဖို့ကတော့ မကောင်းဘူးလို့ ကျွန်တော်ထင်ပါတယ်။ တစ်နည်းအားဖြင့် ဦးနှောက်ဖောက်စားခြင်းပေါ့ဗျာ။ အခုနောက်ပိုင်းဆိုရင် တချို့ Forum တွေထဲမှာ ဘာလေးလိုချင်လို့ပါ၊ ပို့ပေးပါ ဆိုတာမျိုးအထိတောင် ရောက်လာပါတယ်။ အလွယ်လမ်းကို ကလေးတွေ လိုက်လာတယ်ဆိုတာ သတိထားမိပါတယ်။ အမှန်ဆိုရင် ကိုယ့်ဘာသာကိုယ် အရင်ကြိုးစားရှာသင့်တာပေါ့လေ။ ဘယ်လိုမှ မတွေ့တော့ဘူးဆိုမှ တောင်းတာက ပိုကောင်းမယ်လို့ထင်ပါတယ်။

အဆိုးရှိတယ်ဆိုတာကတော့ ဆရာဇော်လင်းအနေနဲ့ ကိုယ့် Site ရဲ့ Value ကို အရင်တွက်ချက်ပြီးမှာ ၀င်ကြေးသတ်မှတ်သင့်ပါတယ်။ အခုမှစလုပ်တယ်၊ အခုဝင်ကြေးတောင်းတယ်ဆိုတာမျိုးတော့ နည်နည်းလေး အံလွဲနေတယ်လို့ ထင်ပါတယ်ဆရာ။ ပြီးတော့ အားမနာတမ်းပြောရရင် ရေးမယ့်သူက အရမ်းနည်းနေတယ်။ Myanmar IT Pros လို Contributer တွေ အများကြီးရှိတဲ့ Site တောင်မှ Free ၀င်ခွင့်ပေးထားတာပါ။ Software တွေ Ebooks တွေ Knowledge Base တွေအများကြီးရှိတဲ့ နိုင်ငံခြား Site တွေလည်း Free ဖွင့်ပေးထားတာပါ။

ကဲ. နောက်တစ်ခုဗျာ။

MCPA က Layer2 Networking အကြောင်း သင်တန်းဖွင့်မယ်လို့ ကြားတယ်ဗျ။ အနော်လည်း Layer2 Networking ဆိုတာ ဘာမှန်းမသိသေးဘူး။ လေ့လာရဦးမယ့် ခေါင်းစဉ်တွေထဲ တစ်ခု တိုးသွားပြန်ပြီဗျာ။ ဟိုးတစ်လောကလည်း Layer3 Swith ဆိုတာကို ကြားလိုက်သေးတယ်။ အင်း အဲဒါကိုလည်း........

စကားမစပ်

ကွန်ပျူတာဂျာနယ်နဲ့ ပီစီဝါးလ်က အယ်ဒီတာများ စာဖတ်သူထဲ ပါတယ်ဆိုရင် Local Articles တွေ၊ Local Interviews တွေ များများထည့်ပေးဖို့ တောင်းဆိုလိုပါတယ်ခင်ဗျာ။ အခုနောက်ဆုံးထွက်သွားတဲ့ PC Magazine ပုံစံဆိုရင် တော်တော်ကောင်းတာပဲဗျ။ ပြည်တွင်းဆောင်းပါးတွေအများကြီးပါတယ်၊ ပြည်တွင်းက ဆရာကြီးတွေရဲ့ အင်တာဗျူးတွေလည်း ထည့်ပေးထားတယ်။ အထူးသဖြင့် ကိုဝဏ္ဏကိုကိုရဲ့ အင်တာဗျူးနဲ့ ဆရာမောင်မောင်လှမြင့်ရဲ့ အင်တာဗျူးပါတာနဲ့ကို ဖတ်ရတာ တန်နေပြီဗျာ။ ချီးကျူးပါတယ် PC Magazine အယ်ဒီတာရေ။ (PC Magazine မှာ ရွာရိုးကိုးပေါက် ဒိုးဒိုးဒေါက်ဒေါက် ပါတာတော့မကြိုက်ဘူးဗျာ)