အခုပျံ့နှံ့နေတဲ့ ဗိုင်းရပ်စ်တော်တော်များများဟာ Memory Stick ထဲကို ၀င်ရောက်တဲ့အခါ ဗိုင်းရပ်စ်နဲ့အတူ autorun.inf ဖိုင်လေးပါ အလိုလိုထည့်ရေးလိုက်ပါတယ်။ အဲဒီအခါမှာ အဲဒီ Stick ကို တခြား ဗိုင်းရပ်စ်မရှိတဲ့စက်မှာ တပ်၊ My Computer ကနေ ဖွင့်လိုက်တဲ့အခါမှာ autorun.inf က စတင်အလုပ်လုပ်ပြီး ဗိုင်းရပ်စ်ဟာ စပြီး အလုပ်လုပ်ပါတော့တယ်။
ဒါကြောင့် ကျွန်တော်တို့ရဲ့ Stick ထဲမှာ autorun.inf ဖိုင် တစ်ခုကြိုတင်ဆောက်ထားပြီး အဲဒါကို Read Only ပေးထားလိုက်မယ်ဆိုရင် ဗိုင်းရပ်စ်ရှိတဲ့စက်မှာတပ်လိုက်တဲ့အခါမှာ ဗိုင်းရပ်စ်ဟာ ၀င်တော့ဝင်သွားနိုင်ပေမဲ့ autorun.inf ဖိုင်ဟာ ရှိပြီးသားဖြစ်နေပြီး read only ပေးထားတဲ့အတွက် သူဟာ နောက်ထပ် ထပ်မရေးနိုင်တော့ပါဘူး။ ဒါကြောင့် အဲဒီ Stick ကို တခြား ကွန်ပျူတာတပ်ပြီး My Compute ကနေ ဖွင့်ရင်တောင် ဗိုင်းရပ်စ်ဟာ အလုပ်လုပ်မလုပ်နိုင်တော့ပါဘူး။ (မှတ်ချက်၊ Folder ဟန်ဆောင်ထားတဲ့ ဗိုင်းရပ်စ်ကို ဖွင့်မိရင်တော့ ကူးမှာပါ။ ဒါတော့ ကိုယ်ဘာသာကိုယ် သတိထားရမှာပါ)
Autorun.inf ဖန်တီးနည်း
လွယ်လွယ်လေးပါ။ notepad ကိုဖွင့်ပြီး ဘာမှမရိုက်ဘဲနဲ့ Stick ထဲမှာ autorun.inf ဆိုပြီး သိမ်းလိုက်ပါ။ ပြီးရင် အဲဒီဖိုင်ပေါ်မှာ right click နှိပ် properties ခေါ်ပြီး Read-Only ကို အမှန်ခြစ်ပေး OK နှိပ်လိုက်ရုံပါပဲ။
No comments:
Post a Comment