Powerline Networking

Powerline networking ဆိုတာက ကျွန်တော်တို့လက်ရှိသုံးနေတဲ့ လျှပ်စစ်ပါဝါကြိုးတွေကိုပဲ သုံးပြီး Network ချိတ်ဆတ်နိုင်တဲ့ နည်းပညာပါ။ CAT5 ကြိုးကို လုံးဝမသုံးရတာတော့ မဟုတ်ပါဘူး။ ဥပမာ အပေါ်ထပ်မှာ ရှိတဲ့ ကွန်ပျူတာနဲ့ အောက်ထပ်မှာရှိတဲ့ ကွန်ပျူတာနှစ်လုံးကို Network ချိတ်ချင်တယ်ဆိုပါစို့။ Network ကြိုး အရှည်ကြီး ၀ယ်စရာမလိုတော့ပါဘူး။ တိုတိုလေး နှစ်ချောင်းရှိရင် ရပြီ။ ပထမကြိုးကို အောက်ထပ်က ကွန်ပျူတာမှာစိုက်ထားတဲ့ Network Card မှာထိုးတပ်လိုက်၊ ကျန်တဲ့တစ်ဘက်ကို မီးပလက်ပေါက်မှာ သွားထိုးတပ်လိုက်။ RJ45 ခေါင်းကြီးကို မီးပလပ်ပေါက်မှာ ဒီအတိုင်းထိုးလို့တော့ ဘယ်ရမလဲဗျာ။ Powerline adaptor ဆိုတာလာတယ်။ သူနဲ့ကြားခံရမှာပေါ့။ ဒီမှာတော့ ၀ယ်လို့ရမရ မသိဘူး။ အပေါ်ထပ်လည်း အဲဒီအတိုင်း လုပ်လိုက်။ ဒါဆို Network ချိတ်လို့ ရသွားပါပြီ။ ပုံကတော့ Powerline adaptor ရဲ့ပုံပါ။

ဟဲ..ဟဲ ရေးတာလေးကတော့ ချောနေတာပဲ။ ကျွန်တော်လည်း PC World ထဲ ပါတာနဲ့ လိုက်လေ့လာကြည့်ရင်း နားလည်သလောက် ပြန်ရေးလိုက်တာပါ။ ကိုယ်လည်း တစ်ခါမှ မချိတ်ဖူးပါဘူး။ အားနည်းချက်ကတော့ Powerline Networking ဟာ 14 Mbps ပဲရတာပါ။ တစ်ချို့ကတော့ 200 Mbps ရှိတယ်လို့လည်း ပြောကြပြန်ပါတယ်။ အခု LAN တွေမှာက 100 Mbps လေ။ အခုဆို 1Gbps ထိတောင် ရောက်နေပြီလေ။ ပြီးတော့ ဈေးနှုန်း။ Powerline Networking မှာသုံးတဲ့ adaptor တစ်ခုရဲ့ တန်ဖိုးက မြန်မာငွေနဲ့တွက်ရင် နှစ်သောင်းကျော်လောက်ရှိတယ်။ ဒါတောင် RJ45 port တစ်ခုပဲ ပါတယ်။ ပြီးတော့ လျှပ်စစ်ဝပ်အား အသုံးများရင် များသလို သူ့ရဲ့ စွမ်းဆောင်ရည်ကို သွားပြီး ထိခိုက်နိုင်တယ်လို့လည်း သိရပါတယ်။

ဘာတွေပဲပြောပြောပါ နည်းပညာအရ အကုန်လုပ်လို့ရနေပြီလေ။ UTP နဲ့မှ မဟုတ်ဘူး၊ ဖုန်းကြိုးနဲ့ ဟောအခုတော့ လျှပ်စစ်ကြိုးနဲ့လည်း Network ချိတ်လို့ရပါကြောင်း...

စာဖတ်သူထဲက Powerline Networking အကြောင်း သိတဲ့သူများပါရင် Comments ပေးခဲ့ဖို့ ဖိတ်ခေါ်ပါတယ်။