Website တစ်ခုရေးဖို့ လာအပ်တာနဲ့ မလုပ်တာကြာပြီဖြစ်တဲ့ Web ပိုင်းကို ပြန်လည် ခြေဦးလှည့်ဖြစ်ပါတယ်။ Web ကို အရူးအမူးလုပ်ခဲ့တုန်းက Dreamweaver က Version 8 အခုဆိုရင် CS4 (ver 10) တောင် ရောက်နေပါရော။ CS3 ရော CS4 ရော ခွေသာဝယ်ထားတာ။ တစ်ခါမှ မတင်ရသေးဘူး။ အဲဒါနဲ့ပဲ ကဲ ဒီ Website ကိုတော့ CS3 နဲ့ လုပ်မယ်ဆိုပြီး Dreamweaver CS3 ကို ကောက်တင်ပါလေရော။ Install လုပ်ချိန်က အရင်ကထက် ပိုကြာသွားတယ်ဆိုတာ သတိထားမိတယ်။ Install ပြီးတော့ Crack ဖြည်ပြီး သုံးဖို့ စဖွင့်တယ်။ နောက် သီချင်းနားထောင်ဦးမယ်ဆိုပြီး Windows Media Player ကို ဖွင့်တယ်။ WMP ဖွင့်ချိန်ဟာ တော်တော်လေးကြာသွားတယ်ဆိုတာ သတိပြုမိတယ်။ မသင်္ကာတာနဲ့ Task Manager ကို ဖွင့်ကြည့်တော့ Dreamweaver CS3 ဟာ CPU Usage 100% ပြနေတာကို တွေ့ရပါတယ်။ CS3 ဟာ အဲဒီလောက် ယူသုံးသလားဆိုတာ မတွေးတတ်အောင်ကို ဖြစ်ရပါတယ်။ Install လုပ်တဲ့စက်က Celeron D, 512 MB ပါ။
Crack ကြောင့် ဖြစ်တာလားဆိုပြီး Dreamweaver ကိုဖြုတ်၊ ပြန်တင်၊ Crack မဖြည်ဘဲ Trial Version နဲ့ run လည်း CPU Usage က 100% ကနေ ကျကိုမကျတော့ဘူး။ အဲဒါနဲ့ပဲ Dual Core စက်တစ်လုံးမှာ သွားတင်ကြည့်တယ်။ Dual Core မှာတော့ 50% ထိပဲ သူက သုံးတယ်။ ဒါပေမဲ့ 50% သုံးတယ်ဆိုတာ နည်းနည်းနောနောမှ မဟုတ်တာ။
နောက်တစ်ချက် စဉ်းစားမိတာက Installer ထဲမှာ အကောင်တွေဘာတွေ ပါလို့များလားလို့ တွေးမိသေးတယ်။ Kaspersky နဲ့တော့ စစ်သေးတယ်။ မတွေ့ဘူး။ နောက် အားတဲ့ရက်ကျမှ Dreamweaver CS3 ကို Adobe ကနေ Download ဆွဲပြီး တင်ကြည့်ရဦးမယ်။ အဲဒါမှ အဖြေပေါ်မှာပဲ။
အခုတော့ CS4 ကို တင်ပြီး လုပ်နေတယ်။ လက်ရှိသုံးနေသလောက်ကတော့ တော်တော်ကောင်းတယ်။ CSS ပိုင်းမှာ အရမ်းပြည့်စုံသွားတယ်။ ပြီးတော့ Ajax ပိုင်း။ Ajax အတွက် Adobe က သူတို့ရဲ့ Spry ကို တစ်ခါတည်း ထည့်ပေးလိုက်တယ်။ Marketing ဆင်းတာနဲ့တူပါတယ်။ ကျွန်တော်တောင် တခြား Ajax Framework တွေကို လေ့လာမလို့။ သူက အခုလို Spry ကိုပဲ ထည့်ပေးလိုက်တော့ Spry ပဲ သုံးဖြစ်တော့မယ်နဲ့ တူပါတယ်။ မှတ်မိသေးတယ်။ Spry ထွက်ခါစက နေ့နေ့ညည စမ်းသပ်ပြီးရေးကြည့်ခဲ့တဲ့ coding တွေက အခုကျ built-in တွေဖြစ်သွားရော။ ရင်နာလိုက်တာ။
No comments:
Post a Comment