Joomla ကိုသိထားခဲ့တာ ကြာလှပြီ။ Download ဆွဲ၊ Ebooks တွေ ရှာထားပြီးတော့မှ မလေ့လာဖြစ်ခဲ့ဘူး။ အခု ဒေါ့ကွန်းရပြီဆိုတော့ Joomla ကို သုံးမှ အဆင်ပြေတော့မှာလေ။ အခုလိုကျတော့လည်း Joomla ကို မိုးလင်းထိအောင် တစ်ထိုင်တည်း လေ့လာဖြစ်သွားတယ်။ (တွန်းအားရှိမှ လုပ်ဖြစ်သွားတယ်ဆိုတာ တကယ် မှန်တာပါပဲ)
Joomla ဆိုတာ ဘာလဲလို့မေးလိုက်ရင် Content Management System ဆိုပြီး ပြောကြမှာပါ။ ကျွန်တော်က တော့ Joomla ဆိုတာကို လုံးဝမသိသေးတဲ့သူတွေ ပိုစိတ်ဝင်စားသွားအောင် Joomla ဆိုတာကကွာ Website လုပ်တဲ့ Website လို့ ပြောချင်ပါတယ်။ အတိအကျမမှန်ကန်ပေမဲ့ အဲဒီလိုသုံးလိုက်တာဟာ ပိုပြီး စိတ်ဝင်စားစရာ ကောင်းသွားမယ်လို့ ယူဆမိပါတယ်။
XAMPP တင်၊ Joomla installer ကို joomla.org ကနေ download ဆွဲ၊ Documentation တွေကိုလည်း အဲဒီကနေ ဆွဲလိုက်တယ်။ ဒီကြားထဲ joomla.org က ပေးတဲ့ တချို့ documentation တွေက odt format တွေ ဖြစ်နေလို့ ဖွင့်မရဘူး။ odt ဆိုတာ ဘာကြီးပါလိမ့်လို့ Google မှာ ရှာလိုက်တော့မှ open document ဆိုတာ သိခဲ့ပြီး openoffice နဲ့ ဖွင့်ရမှာဆိုတာ သိသွားပါတယ်။ OpenOffice ကြီးက File Size ကြီးတော့ down ရမှာ ပျင်းတာနဲ့ Online ပေါ်ကပဲ PDF ပြောင်းပြီး ယူခဲ့ရတယ်။
Joomla ကို install လုပ်ပြီးတော့ Control Panel ထဲ ၀င်တဲ့အခါ စိန်ခေါ်ခံရတော့ပဲ။ ဘာတွေမှန်းမသိဘူး။ Articles တဲ့၊ Section တဲ့။ သေချာ လုပ်ကြည့်တော့မှ Articles ဟာ blog တွေရဲ့ Post နဲ့ တူတာကို သိသွားပါတယ်။ အဲဒီထဲမှာ Section ကတော့ အကြီးဆုံးပေါ့။ အရင်ဆုံး Section ခွဲရတယ်၊ ပြီးတော့မှ အဲဒီ Section ထဲကို Categories တွေ ထည့်ရတယ်။ နောက်ဆုံးမှ Articles တွေကို Categories တွေထဲ ထည့်ရပါတယ်။ ဥပမာ ကွန်ပျူတာအရောင်းဆိုင်ရဲ့ Website ဆိုပါတော့။ သူ့မှာ Sales ပိုင်း ရှိမယ်၊ Contact ပိုင်းရှိမယ်။ Sales အတွက် Sales ဆိုတဲ့ Section ဆောက်ရပါတယ်။ ပြီးတော့ အရောင်းပစ္စည်းတွေကို အုပ်စုခွဲကြည့်လိုက်ရင် Motherboard, Hard Disk, Memory စသည်ဖြင့် ရှိမှာပေါ့။ အဲဒီတော့ Motherboard ဆိုတဲ့ Categories ဆောက်ပြီး Sales Section ထဲမှာ ထည့်ရပါတယ်။ နောက်ဆုံးကျမှ ဆိုင်ကရောင်းတဲ့ Motherboard တစ်ခုချင်းစီရဲ့ ပုံတွေနဲ့ description တွေကို Articles အနေနဲ့ ရေးပြီး Motherboard Categories ထဲမှာ ထည့်ရပါတယ်။ ဒါကြောင့်မို့
Section>Categories>Articles
ဆိုပြီး ယူဆနိုင်ပါတယ်။
Joomla ကိုသုံးရင် ကိုယ့် Site အတွက် အဲဒီလိုနည်းနဲ့ Data တွေကို စနစ်တကျ ထည့်ရပါတယ်။ Data ထည့်တဲ့ အပိုင်းပြီးသွားရင် Template ကို ကိုယ်ကြိုက်သလို ပြင်လို့ရပါတယ်။ သူ့ထဲ built-in ပါလာတာက Template သုံးခုတည်း ပါပါတယ်။ (အဲဒါတွေကလည်း တော်တော်လှပါတယ်) Template ပြင်နိုင်ဖို့ကတော့ CSS ရယ် XHTML ရယ်ကို တတ်ထားမှ ရမှာပါ။ တချို့ကလည်း အင်တာနက်ထဲကနေ အသင့်ရေးပြီးသား Joomla Template တွေကို သုံးကြတာရှိပါတယ်။ ဒါပေမဲ့ အဲဒီလိုကျ Specific မဖြစ်တော့ဘူးလေ။
Joomla မှာက Web Site ရဲ့ Home page ကို Front end လို့ သုံးစွဲပါတယ်။ Front end ပေါ်မှာ ဘယ် Article ကို ပေါ်စေချင်တယ် ကိုယ်က သတ်မှတ်နိုင်ပါတယ်။
နောက် Menu Manager ကို သုံးပြီး Menu bar တွေ ထည့်နိုင်တယ်၊ ပြင်နိုင်ပါတယ်။ Menu မှာကျ Main Menu, Top Menu, User Menu ဆိုပြီး ထပ်ခွဲထားပါသေးတယ်။ Site မှာ မဖြစ်မနေ ထည့်ရမှာကတော့ Main Menu ပေါ့။ ကိုယ်က အဲဒီ Main Menu ထဲက Link ကို နှိပ်လိုက်ရင် Section သို့မဟုတ် Categories တစ်ခု ပေါ်စေချင်ပါတယ် ဆိုပြီး သတ်မှတ်နိုင်သလို External Link ဆီ သွားပါလို့လည်း သတ်မှတ်နိုင်ပါသေးတယ်။ သို့မဟုတ် ဘယ် Module ဆီသွားပါဆိုပြီး သတ်မှတ်နိုင်ပါတယ်။
Module ဆိုတာက Site ပေါ်မှာရှိတဲ့ အပိုင်းလေးတွေကို ခေါ်တာပါ။ ဥပမာအားဖြင့် Site တစ်ခုပေါ်မှာ ရှိတဲ့ Search ဆိုတဲ့ textbox လေးဟာလည်း Module တစ်ခုလို့ ခေါ်နိုင်သလို့ Site တစ်ခုပေါ်မှာရှိနေတဲ့ Navigation bar ဟာလည်း Module တစ်ခုပါပဲ။ Joomla မှာ အဲဒီလို Module တွေကို ထည့်နိုင်တယ်၊ ဖြုတ်နိုင်ပါတယ်။ Module တစ်ခုကို Site ပေါ်မှာ တင်ရင် Site ရဲ့ ဘယ်နေရာမှာ တင်မလဲဆိုတာ စဉ်းစားရတာကတော့ ကျွန်တော့်အတွက် တော်တော်ခေါင်းခြောက်ရပါတယ်။
Module နဲ့ တွဲပါလာတာက Component ပါ။ Joomla မှာ ပုံမှန်အားဖြင့် Articles တွေရဲ့အောက်မှာ Comments ရေးလို့ မရပါဘူး။ ရဖို့အတွက် JComments ဆိုတဲ့ Component လေးကို Joomla ထဲ ထည့်သွင်းလိုက်ရင် Article တွေရဲ့အောက်မှာ Comments ပေးလို့ ရသွားပါတယ်။
Module, Component , Plugins နဲ့ Template တွေကို Joomla ကိုယ်တိုင်က သူ့ Site မှာ Extension လို့ သုံးနှုန်းထားပါတယ်။ သူ့ site မှာ Extension ပေါင်း မြောက်မြားစွာပေးထားပါတယ်။ သို့ပေမဲ့ သူတို့ကတော့ Extension ကို Begineer တွေအနေနဲ့ မစမ်းသင့်သေးပါဘူးလို့ ပြောပါတယ်။ တကယ်တော့လည်း ဟုတ်ပါတယ်။ Joomla ရဲ့ Core ပိုင်းကို နိုင်ပြီဆိုတော့မှ Extension ဘက်ကို လှည့်သင့်ပါတယ်။ Joomla ရဲ့ Core နဲ့တောင် Site တစ်ခုဟာ လည်ပတ်လို့ ရနေပါပြီ။ Registration စနစ်တွေ တစ်ခါတည်း ထည့်သွင်းပေးပြီးသား၊ Email Activation တောင် ပါလိုက်သေးတယ်။ Login လုပ်ရတာတွေကို ကိုယ်က PHP နဲ့ ရေးစရာတောင် မလိုတော့ပါဘူး။ သူ့ထဲမှာ ထည့်ပေးပြီးသားပါ။ Searching လုပ်လို့ရအောင်လည်း သူက တစ်ခါတည်း လုပ်ပေးပြီးသားပါ။ Polls တွေ၊ Newsflash တွေ၊ Feed ထုတ်ပေးတာတွေ၊ Who is online စတာတွေဟာ သူ့ထဲမှာ တစ်ခါတည်း ပါပြီးသားပါ။
နိဂုံးချုပ်ရရင်တော့ Joomla ကိုသုံးစွဲရင် Site တစ်ခု ဖန်တီးရတယ်ဆိုတာ အချိန်အကြာကြီး ယူစရာ မလိုတော့ပါဘူး။ ပြီးတော့ Site ထဲမှာထည့်ထားတဲ့ Content တွေကို Management လုပ်ရတာ အရမ်း လွယ်ကူသွားပါတယ်။ အခုအချိန်ဟာ Dreamweaver ထဲမှာ Site တစ်ခုလုံးကို အစအဆုံး ရေးရတဲ့ ခေတ်မဟုတ်တော့ဘူးလို့ ကျွန်တော်ကတော့ မြင်မိပါတယ်။ Joomla ကို Web သင်တန်းကျောင်းတွေအနေနဲ့ Course တစ်ခုအနေနဲ့ကို ထည့်သွင်းပြီး သင်ကြားသင့်တယ်လို့တောင် ကျွန်တော်ကတော့ ထောက်ခံလိုက်ချင်ပါတယ်။
No comments:
Post a Comment