Dialup Timer

ပြီးခဲ့တဲ့ အပါတ်က ကျွန်တော်ရဲ့ ADSL-S Line သုံးမရဖြစ်သွားလို့ အင်တာနက် မသုံးရရင် မနေနိုင်တဲ့ ကျွန်တော်က Dial Up နဲ့ ပြန်သုံးဖို့ Access Kit ကို အမြန် ပြေးဝယ်လိုက်ရပါတယ်။ Access Kit နဲ့ သုံးနေတဲ့သူတိုင်း ကြုံတွေ့ရတတ်တဲ့ ပြဿနာ တစ်ခုက Kit မှာ လက်ကျန် နာရီ ဘယ်လောက် ကျန်နေသလဲ ဆိုတာ မသိနိုင်တာပါ။ အချို့ကတော့ စိတ်နဲ့ မှတ်ပြီး သုံးပြီး အချို့ကတော့ သုံးထားသလောက် နာရီကို စာရွက်နဲ့ ရေးမှတ် ထားပြီး လက်ကျန်ကို တွက်ကြပါတယ်။ ဒီပြဿနာကို ဖြေရှင်းချင်လို့ ကျွန်တော်က Google မှာ နည်းနည်း မွှေကြည့်တော့ အောက်မှာ ညွှန်းထားတဲ့ ISP Timer ဆိုတဲ့ အသုံးဝင် Free software လေး တစ်ခုကို တွေ့လိုက်ပါတယ်။

Install လုပ်စရာ မလိုပဲ Portable Run နိုင်တဲ့ ISP Timer ကို သုံးရတာ အလွန်ကို ရိုးရှင်းပြီး လွယ်ကူပါတယ်။ ISP Timer ကို Run လိုက်တာနဲ့ ကိုယ့်စက်ထဲမှာ ရှိတဲ့ Dialup Connection ကို Detects လုပ်ပေးပါတယ်။



"Time Allowance" ဆိုတဲ့ နေရာမှာ ကိုယ်ဝယ်ထားတဲ့ Access Kit ရဲ့ စုစုပေါင်း နာရီကို ထည့်ပေးရမှာ ဖြစ်ပြီး ( 30.00 = နာရီ သုံးဆယ် ) Time used နေရာမှာတော့ မသုံးရသေးရင် "0" လို့ ထည့်ပြီး သုံးထားပြီးသား ဖြစ်ခဲ့ရင်တော့ သုံးထားသလောက်ကို ထည့်ပေးရမှာဖြစ်ပါတယ်။ ပြီးတဲ့အခါ "Update" ကို နှိပ်လိုက်ပါ။

ပြီးတဲ့အခါ "Connect" ကို နှိပ်ပြီး Connection ချိတ်လို့ ရသွားတာနဲ့ "Time remaining" နေရာမှာ လက်ကျန်အချိန်ကို ပြနေတာကို တွေ့ရပါတယ်။ "I" ဆိုတာကို နှိပ်ပြီး Settings တွေကို ခေါက်ထားလို့ရပြီး "Send to Tray" ကို နှိပ်ရင် System Tray ထဲကို ISP Timer က ရောက်သွားမှာပါ။ သုံးနေရင်းနဲ့ လက်ကျန် ၁ နာရီကို ရောက်တဲ့အခါမှာနဲ့ နောက်ဆုံး ၅ မိနစ်ကို ရောက်တဲ့အခါ Warning လဲ ပေးမှာဖြစ်ပါတယ်။



ဒါ့အပြင် အသုံးပြုထားတာတွေကို Log ပါ မှတ်ထားနိုင်လို့ ("Log" ကို Check လုပ်ထားရပါမယ်) ဘယ်အချိန်က ဘယ်လောက် သုံးထားသလဲဆိုတာကိုပါ ပြန်စစ်ဆေးနိုင်ပါတယ်။


Download ISP Timer (EXE 64KB)
Download ISP TImer (ZIP 24KB)

Source: http://blog.atomicdevelopment.net

IT Men Blog ၏လိပ်စာ အသစ်

Myanmar ISP တွေက blog တွေကို ပိတ်ထားတာကြာပါပြီ။ IT Men blog ဆိုလည်း ဘာမှမပါဘဲနဲ့ အပိတ်ခံထားရပါတယ်။ တကူးတက ကျော်ခွပြီး လာရောက်လေ့လာတဲ့သူတွေကိုလည်း ကျေးဇူးတင်ပါတယ်။ သိတဲ့သူတွေက ကျော်တတ်ကြပေမဲ့ မသိတဲ့သူတွေဆိုရင် ဘယ်လိုလုပ်ရမှန်းတောင် မသိကြဘူး။ သူငယ်ချင်းတစ်ယောက် ကျွန်တော်ဘလော့ခ်လိပ်စာတောင်းလို့ ပေးလိုက်တယ်။ ပြီးတော့ သူက၀င်ကြည့်တယ်နဲ့တူပါတယ်။ ဟင်..မင်း blog က အပိတ်ခံထားရတာပဲဆိုပြီး မထိတထိပြောသွားပါတယ်။ အမှန်က blog တွေမှန်သမျှ၊ blogspot ပါတဲ့ domain မှန်သမျှ အကုန်ပိတ်ထားခြင်း ဖြစ်ပါတယ်။ ကဲဗျာ..နိဒါန်းပျိုးနေရတာ ကြာပါတယ်။ အဲဒီလို ပိတ်တော့ ကြည့်ရတဲ့သူတွေအဆင်မပြေဘူးဗျာ။ ဒါကြောင့် ဒီ blog ကိုလာရောက်လေ့လာတဲ့သူတွေ အဆင်ပြေအောင် ကိုပီကေ ရဲ့ အကူအညီနဲ့ လိပ်စာအသစ်တစ်ခု ဖန်တီးလိုက်ပါပြီ။ လိပ်စာအသစ်ကတော့ http://itmen.myanmarbloggers.org ပဲဖြစ်ပါတယ်။ အေးအေးဆေးဆေး လာလည်လို့ရပါပြီ။ ပိတ်မထားပါဘူး။ ဒီပို့စ် ဖတ်နေတဲ့သူတွေထဲမှာ blogger များပါရင် အဲဒီလို myanmarblogger.org ရဲ့ subdomain တစ်ခု ဘယ်လိုရနိုင်သလဲဆိုတာ နောက်ရက်မှာ တင်ပေးထားပါ့မယ်။ အခုတော့ အချိန်မရလို့ပါ။

DVD9 ခွေများကို ကူးယူနည်း

DVD-9 ခွေဆိုတာ တခြားမဟုတ်ပါဘူး။ အခု ဆိုင်တွေ၊ လမ်းဘေးတွေမှာ ချရောင်းနေတဲ့ ၁၂ကား၊ ၁၈ကားပါတဲ့ DVD ခွေတွေကို ပြောတာပါ။ အဲဒါတွေဟာ DVD ခွေဆိုပေမဲ့ တကယ်တမ်းက DVD-9 တွေဖြစ်ပါတယ်။ DVD-9 ခွေတွေက 8.54 GB ဆံ့ပါတယ်။ ကျွန်တော်တို့ ဈေးကွက်ထဲမှာ ၀ယ်လို့ရတဲ့ DVD ခွေ အလွတ်တွေက DVD-5 တွေဖြစ်ပါတယ်။ သူက 4.7 GB ပဲဆံ့ပါတယ်။ ဒါကြောင့် အဲဒီ DVD-9 Movies DVD တွေကို Nero နဲ့ DVD to DVD copy ကူးလို့မရနိုင်ပါဘူး။ size မတူဘူးလေ။ တခြား software ကို သုံးရပါတယ်။ သူက Intervideo ကထုတ်တဲ့ DVDCopy ပါ။ အခုဆို version 5 ရောက်နေပါပြီ။ သူက DVD-9 တွေမှာပါတာတွေကို compress လုပ်ပြီး DVD-5 နဲ့ဆံ့အောင် ထည့်ပေးပါတယ်။ တခြား လုပ်လို့ရတာတွေလည်း အများကြီး ပါပါသေးတယ်။ share ပေးချင်ပေမဲ့ file size ကြီးတဲ့အတွက် မပေးနိုင်တော့ပါဘူး။ ကွန်ပျူတာစီဒီအရောင်းဆိုင်တွေမှာ ရှိပါတယ်။

Myanmar Open Library

www.mmopenlibrary.com is the place for free download ebooks. Click the following link to download the available books list at myanmar open library.
http://zawthureintun.googlepages.com/MMOpenlibraryBooksList.doc

McAfee SiteAdvisor Plugin for Firefox

Post from cmsmdy.blogspot.com
This plug-in performs a little background check on the Web sites you visit. Get a warning icon next to potentially dangerous results from popular search engines, along with an icon in your status bar that shows the risks and annoyances associated with the page you're viewing.

မိမိ browsing လုပ်နေတဲ့ site တွေ ဒါမှမဟုတ် search engine result တွေမှာ ပြလာတဲ့ site တွေရဲ့ ယုံကြည်စိတ်ချရမှု ရှိမရှိဆိုတာကို McAfee SiteAdvisor Plugin က ကူညီပေးသွားပါလိမ့်မယ်။ အစိမ်းပြနေရင်တော့ အိုကေ စိတ်ချရတယ်ဆိုတဲ့သဘော၊ အ၀ါပြနေရင် နည်းနည်း စဉ်းစားသင့်တယ်၊ အနီပြနေရင်တော့ သွားမလုပ်နဲ့ ကွိသွားမယ်ဆိုတဲ့သဘော သက်ရောက်ပါတယ်။ Site တစ်ခုကို browsing မလုပ်ခင်မှာ siteadvisor.com မှာသွားပြီး အဲဒီ site နှင့်ပက်သက်တဲ့ report တွေကို ဖတ်ကြည့်သင့်ပါတယ်။ အသုံးပြုတဲ့ user တွေအတွက် စိတ်ချယုံကြည်ရမည့် plugin တစ်ခုဖြစ်ပြီး Firefox မှာပဲ အသုံးပြုနိုင်ပါတယ်။

ဘာကြောင့် အွန်လိုင်းပေါ် ရောက်မလာကြတာလဲ

အခုအချိန်တွင် အိုင်တီခေတ် ၊ အိုင်တီခေတ် ဟု အော်နေကြသောကွန်ပျုတာနည်းပညာ စာစောင်မဂ္ဂဇင်းများက အွန်လိုင်းပေါ်ရောက်မလာဘဲ အခြား ဂျာနယ် ၊ မဂ္ဂဇင်းများသာ အွန်လိုင်းပေါ်တက်လာကြပါသည်။

အထူးသဖြင့် ကွန်ပျုတာဂျာနယ် ၊ ပီစီမဂ္ဂဇင်း(ကွန်ပျုတာမဂ္ဂဇင်း) ၊ ပီစီဝါးလ်ဒ် ၊ အင်တာနက် ဂျာနယ်များသည် အွန်လိုင်းပေါ်တွင် မရှိမဖြစ်ရှိနေသင့်ပါသည်။ ဘာကြောင့်လဲဟုမေးစရာရှိပါသည်။ ကွန်ပျုတာနည်းပညာပြန့်ပွားစေချင်လို့ပါ။ ဒါကတော့ မင်းပြောမှလားပေါ့။ သူတို့လည်း နည်းပညာ တိုးတက်စေချင်လို့ စာအုပ်ထုတ်နေတာပဲ။ မှန်ပါသည်။ office ဘယ်လောက်ပဲထုတ်ထုတ် ၊ ဘယ်နှစ်နှစ်သက်တမ်းပဲရှိပါစေ online ပေါ်ရောက်မလာသေးသရွေ့ထိုဂျာနယ် ၊ မဂ္ဂဇင်းများသည် အိုင်တီခေတ်၏ ပြယုဂ်များ မဖြစ်နိုင်သေးပေ။ ထုတ်ဝေသူများဘက်မှဆင်ခြေပေးစရာများစွာရှိနေနိုင်သော်လည်း ကျွန်တော်တို့စာဖက်သူများဘက်ကတော့ဖြစ်စေချင်လှပါပြီ။

အင်တာနက်ဂျာနယ် online ပေါ်ရောက်ခဲ့ဖူးပါသည်။ သို့သော်လည်း ဂျာနယ်ထွက်ပြီး အတော်ကြာမှတင်သည်။ မထူးပါ offline ကပို၍မြန်နေသည်။ ယခုမူ www.planet.com.m/internetjournal ဟု ရိုက်ထည့်လိုက်လျှင် planet ၏ new page ကိုသာ ရောက်သွားပါသည်။ internet ဂျာနယ်ကြီး ဘယ်ရောက်သွားပါသနည်း။

ဤနေရာတွင် eleven media group ၏ website(www.11mediagroup.com)နှင့် နှိုင်းယှဉ်ပြောလိုပါသည်။ ထို website တွင် weekly eleven , first eleven စသည်ဂျာနယ်များကို တင်ပေးထားပါသည်။ offline မှာ ဒီနေ့ထွက် ၊ ဒီနေ့ online ပေါ်ရောက်နေပါပြီ။ online ပေါ်တင်ထားလို့ offline မှာရောင်းအားကျသွားမည်လားဟု ထုတ်ဝေသူများဘက်မှစဉ်းစားလိုပါက လုံးဝမကျနိုင်ကြောင်းကျွန်တော်အာမခံရဲပါသည်။ အဘယ်ကြောင့်ဆိုသော် တစ်နေ့တစ်နေ့ online ပေါ်တက်နေသောသူအရေအတွက်သည် တတိုင်းပြည်လုံးရှိလူဦးရေနှင့်စာလျှင် မပြောပလောက်ပါ။ ဒုတိယအချက်အနေဖြင့် online ပေါ်တွင် ဘယ်လောက်ဖက်ရဖက်ရ ဂျာနယ်လေးကို လက်ကကိုင်ပြီး ဖက်ရတာနဲ့ အရသာချင်း မလဲနိုင်ပါ။ ကျွန်တော့်နည်းတူ အားလုံးလည်းကျွန်တော်ကဲ့သို့မြင်သည်ဟု ထင်ပါသည်။

ကွန်ပျုတာဂျာနယ်၊ ပီစီမဂ္ဂဇင်း၊ ပီစီဝါးလ် မဂ္ဂဇင်းများသည်လည်း www.pcworld.com , www.pcmag.com လိုလုပ်ဆောင်သင့်ပါသည်။ ထုတ်ဝေပြီးခဲ့သမျှ issue တွေထဲကနေ subject လေးတွေခွဲပေးထာမယ်။ ဥပမာ ကွန်ပျုတာသတင်း ၊ ကွန်ပျုတာသင်ခန်းစာ စသည်ဖြင့်ပေါ့။ ပြီးတော့ searching ပါသင့်တယ်။ ကျောင်းသား ၊ ကျောင်းသူ တစ်ယောက်က Reference တစ်ခုခုလုပ်ချင်တဲ့အခါမျိုး ၊ ဒါမှမဟုတ် အဟောင်းတွေပြန်ဖက်ချင်တာမျိုး ဖြစ်လာတဲ့အခါ မဂ္ဂဇင်းစာအုပ်တွေ တပုံကြီးကို ကိုင်မွှေရမယ့်အစား keyboard နဲ့ mouse ကိုသာသုံးပြီး ရှာနိုင်ရင်ဘယ်လောက်ကောင်းမလဲ။ အင်တာနက်မှာ သိချင်တာတွေမှန်သမျှ ရှာလို့ရတယ်ဆိုပေမယ့်မြန်မာလိုရေးထားတာတွေလောက်တော့ ဘယ်အင်္ဂလိပ်စာကမှ ခံတွင်းမတွေ့စေနိုင်ပါဘူး။

ကျွန်တော်ပြောတာ pdf ဖိုင်တွေတင်ပေးဖို့ပြောတာမဟုတ်ပါဘူး။ ရိုးရိုး webpage တွေသာတင်ရုံနဲ့ကို customer တွေကျေနပ်ကြမှာပါ။ issue တွေအားလုံးဟာ ကွန်ပျုတာနဲ့ စာစီထားခဲ့တာပဲမဟုက်လား။ သိပ်အကြာကြီးမဟုတ်လောက်ပါဘူး။ ခင်ဗျားတို့မအားဘူးဆိုရင်လည်း ကျွန်တော်တို့လုပ်ချင်ပါတယ်။ အလကားနူန်းနဲ့ပေါ့။ တကယ်ပြောတာပါ။

'နေရာတိုင်း computerized ဖြစ်မှ computer ခေတ်ကိုရောက်တာပါ'

Protocol များအကြောင်း

website လိပ်စာတစ်ခုကို ကြည့်မယ်ဆိုရင် ဥပမာ - http://www.google.com အဲဒီလိပ်စာမှာ ရှေ့က http ဆိုတာက hyper text rtansfer protocol ရဲ့ အတိုကောက်ဖြစ်ပါတယ် ။ protocol ဆိုတာက a set of rules and formats လို့ပြောကြပါတယ် ။ စည်းမျဉ်းစည်းကမ်းတွေကိုစုစည်းထားခြင်း လို့ပြောနိုင်ပါတယ် ။ ဘယ်လိုစည်းမျဉ်းစည်းကမ်းတွေလည်းဆိုရင်တော့ data အပို့အယူ လုပ်တဲ့အခါမှာ လိုက်နာရမယ့်စည်းမျဉ်းစည်းကမ်းတွေကို ပြောတာပါ ။

protocol ပေါင်းမြောက်မြားစွာရှိပါတယ် ။ အင်တာနက် website တွေကိုကြည့်တဲ့အခါမှာသုံးရတဲ့ protocol က http ပါ။ hyper text transfer protocol ဆိုတော့ hyper text များပြောင်းရွေ့သယ်ယူရာတွင် သုံးရသော protocol ပေါ့။ hyper text ဆိုတာက ရိုးရိုး text တွေမဟုတ်ဘဲ link ပါတဲ့စာသားတွေကို hyper text လို့ခေါ်ပါတယ် ။ အားလုံးသိတဲ့အတိုင်း webpage တိုင်း webpage တိုင်းမှာ link ပါတဲ့ text တွေရှိတာပဲမဟုတ်လား။

http ပြီးတော့ အခုနောက်ပိုင်း အသုံးများလာတဲ့ protocol ကတော့ https ပါ။ https ရဲ့အရှည်က hyper text transfer protocol over secure socket layer (ssl) ပဲဖြစ်ပါတယ် ။ ssl ပါတဲ့ http ပါ ။ ssl က ဘာလုပ်ပေးနိုင်သလဲဆိုတော့ encryption/decryption လုပ်ပေးနိုင်ပါတယ်။ encrypt လုပ်တယ်ဆိုတာက မြန်မာလိုပြောရင် ၀ှက်စာလုပ်တာပေါ့ ။ ဥပမာ ကွန်ပျုတာ A ကနေ ကွန်ပျုတာ B ဆီကို abc ဆိုတဲ့စာသားလေးကိုပို့မယ်ဆိုပါစို့။ ဒီအတိုင်းရိုးရိုးတန်းတန်းပို့မယ်ဆိုရင် ကွန်ပျုတာ A ကနေ ကွန်ပျုတာ B ဆီကို မရောက်ခင်ကြားမှာ တတ်တဲ့သူတစ်ယောက်က ခိုးယူလို့ရပါတယ်။ encrypt လုပ်ပြီးပို့မယ်ဆိုရင် ခိုးယူ၍ရခဲ့ရင်တောင်မှ ဖက်လို့ရမှာမဟုတ်တော့ပါဘူး။ abc လို့တိုက်ရိုက်မပို့ပဲ abc ဆိုတဲ့စာလုံးသုံးလုံးကြားမှာ 123 ထည့်ပြီး ပို့မယ်၊ ဒါဆိုရင်a1b2c3ဖြစ်သွားပြီ။ ပြီးတော့မှ ကွန်ပျုတာ B ကို မင်းငါပို့တဲ့ data ရတဲ့အခါမှာ 123 ကိုဖယ်ပြီးမှ လက်ခံလို့ပြောထားလိုက်မယ်။ ကြားကနေဖောက်တဲ့သူကတော့ a1b2c3 ဆိုတာကို နားလည်မှာ မဟုတ်တော့ဘူး။ ဒါက ဥပမာ အနေနဲ့ပြောတာပါ ။ တကယ်တမ်း encrypt လုပ်နည်းများစွာရှိပြီး အဲဒီ encrypt ကိုပြန်လည်ဖြည်ခြင်း decrypt လုပ်ဖို့ရာ အတော်ခက်ခဲပါတယ်။

့https protocol ကို login လုပ်ရတဲ့ website တွေမှာ အသုံးများပါတယ်။ user တွေ ရိုက်ထည့်တဲ့ login name နဲ့ password တွေ လုံခြုံမှုရှိစေဖို့ ဖြစ်ပါတယ်။ Gmail ဟာ https ကိုသုံးပါတယ်။ ဒါကြောင့် ကျွန်တော်တို့ ရိုက်ထည့်လိုက်တဲ့ username နဲ့ password ကို ကြားကနေ ခိုးယူလို့မရနိုင်ပါဘူး။

နောက် Internet မှာ အသုံးများတဲ့ protocol ကတော့ ftp ပါပဲ။ file transfer protocol ဖြစ်ပါတယ်။ ဖိုင်တွေ ရွေ့ပြောင်းလို့ရအောင် အထူးတလည် တီထွင်ထားတဲ့ protocol ပါ။ website တိုင်းကို ftp နဲ့ access လုပ်လို့ရပါတယ်။ ftp://www.google.com ပေါ့။ ဒါပေမယ့် အဲဒီ ftp ကိုသုံးတဲ့အခါမှာ authorized person မှကြည့်လို့ရပါလိမ့်မယ်။ free ဖွင့်ပေးထားတဲ့ ftp site တွေလည်း ရှိပါတယ်။ ftp နဲ့ site တွေကို ကြည့်တဲ့အခါမှာ စာတွေပုံတွေကိုမြင်ရမှာမဟုတ်ဘဲ PC မှာ My Computer ကိုဖွင့်လိုက်သလိုမျိုး file တွေ folder တွေကိုပဲမြင်ရမှာပါ။

နောက်ကျန်သော Protocol များအကြောင်းကို ရေးသားသွားပါဦးမည်။

အိုင်တီမန်း

PhProxy

Firefox အတွက် proxy add on လေးတစ်ခုဖြစ်ပါတယ်။ ပိတ်ထားတဲ့ Site တွေကို ကျော်ဖို့သုံးနိုင်ပါတယ်။ ကျော်တာ မြန်တယ်ဗျာ။ http://zawthureintun.googlepages.com/phproxy_-_inbasic-3.0.2b-fx.xpi ကနေ download လုပ်နိုင်ပါတယ်။
Install လုပ်နည်း
download ပြီးရင် အဲဒီဖိုင်လေးပေါ်မှာ Right Click နှိပ် Open With ကိုရွေး၊ Select a Program From a list ကိုရွေး၊ OK နှိပ်ပါ။ ပြီးရင် Firefox ကိုရွေး၊ OK နှိပ်ပါ။ တကယ်လို့များ list ထဲမှာ firefox မပါဘူးဆိုရင် Browse ကိုနှိပ်၊ C:\Program Files\Mozilla Firefox\firefox.exe ကိုရွေးပြီး OK နှိပ်၊ OK ထပ်နှိပ်ပါ။
Firefox ပွင့်လာပြီး Install လုပ်မှာလား မေးတဲ့အခါကျရင် Install Now ကိုနှိပ်ပါ။ ပြီးရင် Firefox ကို restart လုပ်ပါ။

အဲဒီအခါမှာ firefox screen ရဲ့ ညာဘက်အောက်မှာ အပြာရောင် P ပုံလေးပေါ်လာပါလိမ့်မယ်။ ပိတ်ထားတဲ့ site တစ်ခုခုကို သွားလိုက်ပါ။ Access Denied ပေါ်လာလိမ့်မယ်။ အဲဒီအခါကျရင် အဲဒီ အပြာရောင် P လေးကိုသာ နှိပ်ပြီး ခဏစောင့်လိုက်ပါ။ ပိတ်ထားတဲ့ site ပွင့်လာပါလိမ့်မယ်။

Party Chat in Gtalk

Party Chat ဆိုတာက Gtalk မှာ အုပ်စုဖွဲ့ပြီး Chat လို့ရအောင် လုပ်ပေးတဲ့ service တစ်ခုပါ။ အားလုံးသိတဲ့အတိုင်း အရင်တုန်းက Gtalk မှာ တစ်ယောက်ချင်းစီကိုပဲ ပြောလို့ရတာမဟုတ်လား။ ဒီ Party Chat ကိုသုံးရင် အုပ်စုဖွဲ့ပြီး Chat လို့ရပါပြီ။ လုပ်နည်းလေးကတော့..
၁။ Gtalk ထဲကို login လုပ်ပါ။
၂။ ပြီးရင် partychat@gmail.com ကို invite လုပ်ပါ။ (partychat2, partychat3 စတာတွေကိုလည်း invite လုပ်လို့ရပါတယ်)
၃။ Partychat@gmail.com ဟာ ချက်ချင်း online ဖြစ်နေပါလိမ့်မယ်။
၎။ partychat နဲ့ စကားပြောဖို့ သူ့အပေါ်မှာ နှိပ်ပါ။
၅။ partychat ဟာ လူမဟုတ်ပါဘူး။ ဒါကြောင့် command တွေသုံးပြီး ပြောကြည့်ကြမယ်။
၆။ ရုပ်ရှင်အကြောင်း ပြောကြမဲ့ chat channel တစ်ခုဖန်တီးမယ်ဆိုပါစို့။ /make movies လို့ရိုက်လိုက်ပါ။ movies နေရာမှာ ကိုယ်ကြိုက်တဲ့ channel name ဖန်တီးလို့ရပါတယ်။
၇။ ဒါဆိုရင် channel လုပ်လို့ပြီးသွားပါပြီ။ အုပ်စုဖွဲ့ပြောချင်တဲ့ သူငယ်ချင်းတွေကိုလည်း partychat@gmail.com ကို invite လုပ်ခိုင်းပါ။
၈။ သူတို့ကိုတော့ ကိုယ်ဖန်တီးထားတဲ့ channel မှာ ၀င်ပြောနိုင်ဖို့အတွက် /join movies လို့ရိုက်ခိုင်းပါ။
၉။ ကဲ...အုပ်စုဖွဲ့ပြီး ပြောချင်သလောက် ပြောလို့ရပါပြီ။
အောက်မှာ Partychat မှာ ထပ်ပြီးသုံးလို့ရတဲ့ command တွေကို ရေးပြထားပါတယ်။
/create chat_name password - party chat တစ်ခုဖန်တီးရန်၊ password ပေးချင်ပါက chat_name နောက်မှာ space ပုတ်ပြီး password ပေးနိုင်ပါတယ်။
/join chat_name password - party chat တစ်ခုကို ဆက်သွယ်ရန်၊ ထို chat သည် password ပေးထားပါက chat_name နောက်တွင် space ပုတ်ပြီး password ထည့်ပြီး enter ခေါက်ပါ။
/exit - party chat ကနေ ထွက်ဖို့ပါ။
/list - chat ထဲမှာ ရှိနေတဲ့ လူအရေအတွက်ကို ကြည့်ရန်။
တခြားကျန်နေတဲ့ command တွေကိုတော့ /commands နဲ့ကြည့်နိုင်ပါတယ်။