တောင်းပန်ခြင်း

အိုင်တီမန်းဘလော့ခ်မှာ ကိုယ်ရေးကိုယ်တာတွေ လုံးဝမရေးဘူးလို့ အစတုန်းကတည်းက ကိုယ့်ကိုယ်ကို သတ်မှတ်ထားပါတယ်။ ဒါပေမဲ့ အခုတော့ မရေးလို့မရတော့ဘူးဗျာ။ ပြောချင်တာက ဒီအိုင်တီမန်းဘလော့ခ်ကို အရင်တုန်းကလို ပုံမှန် Update မလုပ်နိုင်တဲ့ ကိစ္စပါပဲ။ အခုတစ်လော အလုပ်တွေအရမ်းရှုပ်နေလို့ပါ။ အားလုံးကို အနူးအညွှတ်တောင်းပန်ပါတယ်။ ကျွန်တော်က အခု ကွန်ပျူတာသင်တန်းတစ်ခုမှာ နည်းပြလုပ်နေပါတယ်။ လောလောဆယ် A+ နဲ့ Network သင်နေရပါတယ်။ သင်တန်းအတွက် course စာအုပ်တွေ ရေးနေရတော့ လုံးဝကို မအားဘူး။ တခြားအလုပ်ရှုပ်နေတဲ့ဟာတွေလည်း ရှိပါသေးတယ်။ ညည်းပြရာ ရောက်မှာစိုးလို့ မရေးတော့ပါဘူး။ Email နဲ့ Cbox ကနေတစ်ဆင့် မေးကြတဲ့ မေးခွန်းတွေကိုလည်း တဖြည်းဖြည်း ဖြေကြားသွားပါ့မယ်။ တစ်ယောက်စီချင်းရဲ့မေးခွန်းတွေကို အသေးစိတ်ဖြေပေးရမှာမို့ နည်းနည်းကြာမှာကိုတော့ ခွင့်လွှတ်ပါ။ ပြီးတော့ post ခေါင်းစဉ်တွေ စဉ်းစားပေးကြတဲ့သူတွေကိုလည်း ကျေးဇူးတင်ပါတယ်။ အားလုံးဖြစ်စေချင်တာကို ကျွန်တော်လုပ်ပေးသွားမယ်၊ တင်ပေးသွားပါ့မယ်။ နည်းနည်းတော့ စောင့်ကြပါဦး။ ကျွန်တော့်ရဲ့ မိခင်မြန်မာပြည်ကို နည်းပညာနဲ့ကူညီသွားပါ့မယ်။