Window XP SP3

Windows XP SP3 အကြောင်း

Microsoft ကနေပြီး Windows Operating System ကြီးရဲ့ Performance, Security နဲ့ Stability တွေ ကောင်းသထက် ပိုကောင်းမွန်အောင် Updates တွေ၊ Fixes တွေကို အမြဲတမ်း ထုတ်ပေးလေ့ရှိပါတယ်။ နောက်ပိုင်းမှာတော့ အဲဒီ Updates တွေ၊ Fixes တွေကို package တစ်ခုအနေနဲ့ စုစည်းပြီး ထုတ်ဝေလိုက်ပါတယ်။ အဲဒါကို Service Pack လို့ခေါ်ပါတယ်။ အတိအကျပြောရရင် Performance Updates, Security Updates, Stability Updates တွေ ပေါင်းစည်းထားတာကို Service Pack လို့ခေါ်ပါတယ်။

Windows XP အတွက် Microsoft ကနေပြီး Service Pack 1၊ Service Pack 2 ဆိုပြီး နှစ်ကြိမ်ထုတ်ဝေခဲ့ပြီး အခုအချိန်မှာတော့ Service Pack 3 ဆိုပြီး ထုတ်ဝေလိုက်ပါပြီ။ Windows Vista ဟာ လုံခြုံရေးပိုင်းမှာ ကောင်းမွန်တယ်လို့ပြောနိုင်ပေမဲ့ Vista ကို Upgrade မလုပ်နိုင်တဲ့ PC တွေအတွက် SP3 ဟာ အားကိုးအားထား ပြုစရာလေး ဖြစ်ပါလိမ့်မယ်။

Windows XP SP3 မှာ အရင်ကထုတ်ခဲ့သမျှ XP အတွက် updates တွေ၊ ကဏ္ဍအသစ်လေးတွေ အနည်းအကျဉ်း ပါဝင်ပါတယ်။ ဒါပေမဲ့ သာမန်အမြင်လေးနဲ့ ကြည့်ရင်တော့ သိသိသာသာပြောင်းလဲမှုတွေကို တွေ့ရမှာမဟုတ်ပါဘူး။

 

SP3 မှာဘာတွေပါသလဲ

            XP နဲ့ပတ်သတ်ပြီး ထုတ်ခဲ့သမျှ Updates တွေပါဝင်ပါတယ်။ Microsoft Management Console 3.0၊ Microsoft Core XML Service 6.0 (MSXML6) လိုမျိုးတွေပေါ့။ ဒါပေမဲ့ SP3 မှာ Internet Explorer 7 ပါရှိလာမှာမဟုတ်ဘဲ IE6 နဲ့ IE7 တွေရဲ့ Updates တွေသာ ပါလာပါလိမ့်မယ်။ နဂို ကိုယ့်စက်မှာ တင်ထားတဲ့ IE ကိုပဲ update လုပ်ပေးသွားမှာပါ။ သတိပြုစရာကောင်းလောက်အောင် ပါလာတာတစ်ခုကတော့ Network Access Protection (NAP) ပဲဖြစ်ပါတယ်။ Windows Server 2008 နဲ့ Windows Vista မှာ ထည့်သွင်းပေးခဲ့ပြီး အခု SP3 မှာပါ ထည့်သွင်းပေးလိုက်ပါပြီ။ Networking ပိုင်းဆိုင်ရာ Update 9 ခုလောက်ပါပါတယ်။ Security ပိုင်းအတွက် 3 ခုလောက်ပါတယ်။

            ပြီးတော့ Windows Product Activation ပါလာပါပြီ။ ဒါကြောင့် SP3 ထည့်ပြီးသား Widows ကို တင်တဲ့အခါ အရင်တုန်းကလို Product Key တွေ တောင်းမှာ မဟုတ်တော့ဘူး။ နောက်ပိုင်းမှ Genuine Advantage နဲ့ စစ်ဆေးမှာပါ။ Microsoft Update ကနေ ယူတဲ့ SP3 Update လေးကို run ရင်တော့ အဲဒါတွေ ဂရုစိုက်စရာမလိုပါဘူး။

 

ဘယ်မှာရနိုင်မလဲ

            Windows Update ကပဲဖြစ်ဖြစ်၊ Microsoft Download Center ကနေပဲဖြစ်ဖြစ် ရယူနိုင်ပါပြီ။ Windows Update ကနေယူရင်တော့ Size က 70MB လောက်ပဲရှိပြီး Download Center မှာတော့ 580 MB လောက်ထိ ရှိပါတယ်။